1934 жылдан бастап шыққан Type 59 (немесеT59) Bugatti-дің соңғы жарыс автомобилі болды, ол 250 ат күшіне ие 3.3 литрлік сегіз цилиндрлі мотормен жүреді. Төмен орналасқан қозғалтқыш машинаның тұрақтылығын жақсартып, өзгерген шассиі раманың салмағын жеңілдетеді.
8 данасы ғана шыққан Bugatti T59-дың автоспорттағы маңызды жеңісі аса көп емес. Ал Bugatti Type 41 Royale немесе Type 57SC Atlantic-тен айырмашылығы, машина ескі автомобильге әуес жандар арасында танымал емес.
Бірақ 1934 жылы зауыт командасы сапында Бельгияда жеңіске жеткен (шабандоз — Рене Дрейфус) экземпляр жайлы бұлай айта алмаймыз. Bugatti кейін оны қарапайым жолға арналған машинаға айналдырып, Бельгия королі Леопольд III-ге сатты. Автомобиль бағасы жыл сайын өсіп, 2020 жылы 5 қыркүйектегі Gooding & Company аукционында 8.5 млн фунт стерлингке жетті.
Корольдің меншігінен шыққаннан бері Bugatti T59 қайта жөнделмеген. Соған қарамастан ол өткен демалыста Пеббл-бичтегі кезекті әдемі автомобильдер байқауында бас жүлде жеңіп алды.
Болидке иелік етіп жүрген Швейцария азаматы марапаттау рәсімінде журналистерге өзін T59-дың иесі ретінде емес, оны сақтаушы ретінде көретінін айтты. Өйткені антиквариат қазір көлік емес, тарихи экспонат әрі қымбат қазына саналады.
Комментариев: 0