Энтузиастар арасында танымал 1990-2000 жылдардағы жапон модельдері аукционда қомақты сомаға сатылып жатады. Мысалы: біз айтып отырған Acura Integra Type R үшін жаңа иесі 73 мың доллар төледі. Сатушы көлікті 2019 жылы небәрі 30 мыңға алыпты. Ал жаңа кезінде Integra 24.8 мың тұрған.
Қара түсті Integra Type R 2000 жылы шыққан, содан бері 19 мың миль (31.2 мың км) жол жүріпті. Сипаттамада машинаның сырты да, іші де өте жақсы жағдайда екені жазылған. Көлік үшінші иесінің қолына өтті.
Integra Type R 1.8 литрлік атмосфералы B18C5-пен жүреді, оның америкалық нұсқасы 198 ат күшіне ие. Барлық айналу моменті 5 сатылы механикалық қорап пен үйкеліс күші жоғары дифференциал арқылы алдыңғы дөңгелектерге беріледі.
Екі есікті машинаның мұнша қымбатқа сатылуына жақсы сақталғаны мен аз жол жүргені ғана емес, сол рөлді Integra Type R-дің сирек кездесетіні де әсер еткен секілді. Honda белгісі бар оң рөлді көліктер саны 25 мыңға жетпейді, АҚШ-та 3822 данасы ғана бар, оның 1355-і 2000 жылы шыққан. Біз сөз етіп отырған автомобиль 653-іншісі.
Комментариев: 0