Жуырда тауда жауын жауды. Жолды ішінара топырақ басып, тас құлау қаупі төнді. Алматы облысындағы Іле Алатауы ұлттық паркінің басшылығы хабарлағандай, опырылған жерлер әлі толық жөнделген жоқ. Ұлттық парк Еңбекшіқазақ әкімдігінен көмек сұрап отыр.
Экологтардың айтуынша, мұнда ауа райы құбылмалы, тағы көшкін жүріп, тас құлауы мүмкін. Сондықтан Түрген шатқалының экобекеттен 5 км, ал Есік өзенінен 4 км жоғары бөлігін жабу жөнінде шешім қабылданды. Шектеу 15 сәуірге дейін күшінде болады. Қазір селден қорғау департаментімен кеңесуде, шектеу мерзімі ұзаруы мүмкін.
Біраз уақыт бұрын Үлкен Алматы көліне баратын жол үш жылға жабылатыны хабарланды. Мұнда селден қорғайтын бөгет салынады. Онда баратындардың көлге жаяу жетуіне тура келеді.
Комментариев: 0