Есентай арқылы өтетін көпірде жаяу жүргіншілер көлікпен жағаласып жүреді

Бүгін түнде Алматыдағы Әл-Фараби даңғылындағы Есентай өзені арқылы өтетін көпірге полимерлі асфальт төселді. Таңертең даңғылда сегіз жолақты көлік қозғалысы қайта жанданды. Бұрын асфальт бірнеше күн кебетін еді, бірақ бұл жолы жол жөндеушілер ұзаққа созбайық деп шешті. Қалалық мобилділік басқармасы Kolesa.kz басылымына жазда аптап ыстықтан асфальт нығыздалуы үшін бір-екі күн керек болды деп түсіндірді. Қазір түн салқын болғандықтан, жолды бірден қолдана беруге болады-мыс. Жаңа төсемнің қанша уақытқа шыдайтынын уақыт көрсетеді.

Әл-Фарабиді бойлай орналасқан жаяу жүргінші көпірінің құрылысы басталмағаны көңілге кірбің түсірді. Әкімдік өкілдері жағдайды жақсарту үшін барлығын істеп жатқанын, ал жаяу жүргіншілерге даңғыл жиегінде арнайы уақытша жол бар екенін айтты. Бірақ ол көлік легінен конус тәрізді пластик белгімен ғана қоршалған, ал солтүстікте ешқандай қоршау жоқ. Қарама-қарсы жүретін машиналардың арасын бөлетін белгіні де сол күйі орнатпады. Шенділер ешкім өзенге түсіп кетпейтініне кепіл бола ала ма, әлде тепе-теңдік ұстай алмаған адам көпірден шығып тұрған кабельге ілініп қалады деп ойлай ма, ол жағы белгісіз.

Жаяу жүргіншілерге арналған көпір қашан салынады деген сұраққа мобилділік басқармасы нақты жауап бермеді. Ақ жағалылардың сөзіне сенсек, бұған бірнеше ай уақыт керек екен. Оған дейін тұрғындардың өміріне қауіп төніп тұрған сияқты.