Automotive News басылымы General Motors-тың іштен жанатын қозғалтқышпен жүретін машина құрастыруды доғару жоспарын жариялады. Ол негізінен люкс санатындағы көлік шығаратын Cadillac бөлімшесіне қатысты. Процесс тоғыз жылға созылады.
Алдымен, яғни 2025 жылы XT4, XT5 және XT6 кроссоверлері тарих қойнауына кетеді. 2026-2027 жылдары концерн CT4 және CT5 седандарымен қоштасады. Бұлардың орнын батареялы Lyriq басады. Жазда компания CT6-ның баламасы саналатын Celestiq электроседанын жұрт назарына ұсынбақ.
Соңында Escalade өндірістен алынады. Бір жыл бұрын ғана бесінші буыны жарық көріп, ТМД нарығына биыл шығайын деп жатқан ірі жол талғамайтын көліктің тікелей баламасы болмайтындықтан, уақыт өте құны арта түсетіні анық. Escalade-тің ізбасары атануы мүмкін GMC Hummer EV базасында жасалатын модель 2024 жылы таныстырылады.
Комментариев: 0