Ерекше Rolls-Royce аукционға қатысады

Дубайдағы RM Sotheby’s аукционына бірегей Rolls-Royce Wraith шығады. Кастомайзерлердің арқасында купе үш есікті универсал немесе шутинг-брейкке айналды. 2015 жылы конвейерден түсіп, бірнеше жылдан кейін қайта жасалған автомобиль 275-325 мың долларға бағаланып отыр, бұл жаңа «роллстардың» базалық құнымен бірдей.

1 / 11

• 
• 
• 
• 
• 
• 
• 
• 
• 
• 
• 

1 / 11

Шутинг-брейк шанағын әуесқой аңшылар қолданысқа енгізген, олар көлікті жабдық пен олжа тасымалдауға қолайлы деп санаған. Үш есікті универсал танымал емес, бірақ шутинг-брейкті кастомайзерлер мен ательелер еске түсіріп тұрады.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Rolls-Royce Wraith купесіне негізделген Silver Spectre жобасын атақты дизайнер Нильс ван Роой ойлап тапқан, ал машинаны Бельгиядағы Carat Duchatelet ательесі жасаған. Ван Роой көліктің сырт келбеті Британияның классикалық шутинг-брейктеріне сілтеме жасайды деп айтты. Мамандар стандарт модельдің кері ашылатын есігін қалдырды, бірақ шанақтың артқы жағы композитті материалдан жасалып, жүксалғышы кеңейді. Ұзарған төбесінде «жұлдызды аспан» орналасты.

Silver Spectre-ді құрастыруға бір жарым жыл және 300 мың еуро кетіпті. Серіктестер осындай машинаның жетеуін құрастыруды ойлаған, бірақ біреуі ғана жарық көрді. 2020 жылы құрастыру процесі аяқталды, яғни ерекше Rolls-Royce-ты жаңа деуге болады. Автомобиль шамамен 18 мың  шақырым жүрген.