Ерекше Mercedes-Benz 190E Evo II саудаға шықты

Petrolicious ресурсы атақты Mercedes-Benz 190E 2.5-16 Evolution II-нің ерекше экземплярын сатады. 1990 жылдардың басында шыққан 502 дана седанның ішіндегі ең жаңасы осы болуы мүмкін. Машина небәрі 176 шақырым жол жүрген. Иесі оның бағасын нақты сатып алғысы келетін адамға ғана айтады, ол жүздеген мың доллар сұрайтыны анық.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Жалпы жолға арналған Evo II-нің жарық көруіне сол кездегі DTM чемпионатының регламенті себеп болды. Жарыс машинасы трассаға шығу үшін Mercedes-Benz оның қарапайым жолға арналған аналогын шығаруға міндетті болды.

1 / 10

• 
• 
• 
• 
• 
• 
• 
• 
• 
• 

1 / 10

190E 2.5-16 Evo II агрессивті бастырық, реттелетін аспасы мен 17 дюймдік дөңгелек дискісі бар жүріс бөлігі, спорттық салон және жаңа күштік құрылымымен ерекшеленеді. Машина Cosworth инженерлері әзірлеген 235 ат күшіне ие (245 Нм) 2.5 литрлік 16 клапанды мотормен жүреді.

Біз сөз етіп отырған спортседан алғашқы иесінің қолында 20 жыл Германияда болған. Кейін Нидерландыға барып, соңында АҚШ-қа жеткен. Ерекше 190E-нің қазірге дейін төрт иесі болды. Petrolicious мамандары бұдан да аз жол жүрген Evo II бар екенін, бірақ Ресейде тұрған седан белгілі себептермен ашық саудаға шықпайтынын айтты.