Ерекше Mercedes-AMG GT онлайн-саудаға түсті

Bring a Trailer онлайн аукционында P One Edition нұсқасындағы Mercedes-AMG GT Black Series бәссаудаға түсті. Компания небәрі 40 автомобиль құрастырып, оны Mercedes-AMG One гиперкарын сатып алғандарға таратты.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Ерекше әрленген шанағы көлікке қайталанбас пішін беріп тұрғандай. Аукционның аяқталуына бірнеше күн қалса да, екі есікті машина үшін 575 мың доллар төлеуге дайын адамдар бар екен.

Модельдің Black Series нұсқасы 2020 жылы шыққан. Басты ерекшелігі — 4 литрлік қосарлы турбоүрлемді үлкен V8. Агрегат 730 ат күші мен 800 Нм айналу моментін береді. Алғашқы жүздікті 3.2 секундта еңсеретін көліктің ең жоғары жылдамдығы — 325 км/cағ. Сонымен қоса суперкардың арнайы нұсқасы екі қабатты ірі антиқанаты бар аэродинамикалық тіреуішімен және салмақ үнемдеу үшін жұпыны болып қалған салонымен ерекшеленеді.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

P One Edition техникалық жағынан AMG GT Black Series-пен бірдей болған. Өндіруші санаулы тираж бен дизайнерлік элементтер үшін 57.3 мың доллар қосымша ақы сұрады. Бұлардың көбін арт жағына қарай қара түске ауысатын сұр металлик реңкімен әрлеген. Ал саудаға шыққан экземпляр қолмен салған жүздеген күміс түстес жұлдызшамен көмкеріліп, қою қара түске боялыпты. Шанақ пен салондағы көгілдір акцент фирмалық AMG-Petronas ливреясын меңзейді.

Суперкардың ақырғы бағасына оның көшеге көп шықпағаны әсер ететіні анық. 2021 жылғы автомобиль 280 шақырымнан аз жол жүріпті. Болжам бойынша Mercedes-AMG GT Black Series P One Edition-ның құны миллион долларға жетуі мүмкін.