Ерекше Формула-1 болиді сатылады

RM Sotheby’s аукцион үйі 1955 жылы шыққан Cooper-Bristol T40 спорткарын саудаға қойды. Сатушылар автомобиль бірнеше ерекшелігімен құнды екенін айтты. Атап айтқанда, машина болашақ үш дүркін Формула-1 чемпионы Джек Брэбэмнің алғашқы көлігі әрі қозғалтқышы шабандоз креслосының астында орналасқан алғашқы корольдік жарыс болиді. Оның үстіне машина жүріп тұр. Раритет 350 мың еуроға бағаланып отыр.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Джек Купердің Cooper Cars фирмасы атақты Mini-мен ғана емес, бірқатар трек машинасымен танымал болған. 1950 жылдардың екінші жартысында компанияның моторы ортада орналасқан шассиі Формула-1 жарысында төңкеріс жасап, осындай құрылыммен жасалған спорткар 1959 жылы әлем чемпионатында жеңіске жетті. Бұл Джек Брэбэмнің бірінші титул болды, кейін ол өзі аттас команданың негізін қалады.

Джек корольдік жарысқа алғаш рет 1955 жылы қатысты. Брэбэм Ұлыбритания Гран-приіне шабандоз креслосының артында 2 литрлік Bristol моторы орналасқан Cooper T40 спорткарымен қатысты. Бұл жарыс сәтті болған жоқ, шабандоз көш соңында қалып, техникалық себептерге байланысты жарысты аяқтай алмады.

1 / 8

• 
• 
• 
• 
• 
• 
• 
• 

1 / 8

Британия Гран-приі бұл спорткар қатысқан жалғыз F1 жарысы болды, бірақ Брэбэм оны мініп бірнеше мәрте төмен дәрежелі жарыстарда бақ сынаған. 1956 жылы ол автомобильді сатты, машина кейін бірнеше коллекционердің қолынан өтті. Былтыр қайта жөндеуден өткен. Аукцион ұйымдастырушылар Cooper-Bristol T40 заманауи автоспорт тарихының бір бөлігі ретінде коллекционерлерді қызықтырады деп сеніп отыр.