Bonhams аукционында өте сирек кездесетін Mercedes-Benz сатылды. Белгілі коллекционер SLR McLaren Stirling Moss спидстерін 3.22 млн еуроға сатып алды. Сатушылар машина ең көп болғанда 2.5 миллионға өтеді деп ойлаған.
Stirling Moss нұсқасы Mercedes-Benz SLR McLaren моделінің соңғы кезінде шықты әрі әйгілі суперкардың ең экстремал түрленімі болды. Автомобильдің шатыры мен алдыңғы әйнегі жоқ, мамандар суперкар жүргізушісіне шлем тағуды ұсынады. Жаңа шанақтың арқасында спидстер әлдеттегі купеге қарағанда 200 келі жеңіл болды.
Stirling Moss 5.4 литрлік V8 мотордың 650 ат күшіне ие ең қуатты нұсқасымен жүреді. Амортизатор мен рөл басқару параметрі өзгерді. Спидстер алғашқы жүздікті 3–3.5 секундта еңсереді, ал ең жоғары жылдамдығы — 350 км/сағ.
SLR McLaren Stirling Moss атақты Mercedes-Benz шабандозы сэр Стирлинг Моссқа арналған, машина шабандоз 1955 жылғы Mille Miglia жарысында жеңіске жеткен 300 SLR-ге ұқсайды. Ол Mercedes-Benz бен McLaren бірге жасаған соңғы SLR-дің бірі.
Спидстер 2009 жылғы маусымнан желтоқсанға дейін шықты. Жалпы 75 машина жарық көрген, оның соңғы экземпляры саудаға түсті. Бұл SLR Stirling Moss модельдік топтаманың ең жақсы сақталған өкілі саналады, оны нағыз уақыт капсуласы деуге негіз бар, машина небәрі 50 шақырым жол жүрген.
Комментариев: 0