Emeya — Lotus-тың аса қуатты батареялы седаны

Lotus жаңа флагманын көрсетті, Emeya — отыз жылда алғаш шыққан төрт моторлы модель. Седан әсерлі сырт пішінімен қоса, суперкарлармен бірдей динамикалық сипаттамаларға ие болды. Компания Emeya-ны суперседан емес, Hyper-GT деп атады.

1 / 7

• 
• 
• 
• 
• 
• 
• 

1 / 7

Lotus бұған дейін Evija электрлі суперкарын шығарған, жаңа көліктің сырт пішіні Evija-ға келеді, бірақ Eletre кроссоверіне ұқсас тұсы көбірек. Екеуінің оптикасы мен алдыңғы бамперінің көрінісі, бүйірі және арт жағы ұқсайды. Сонымен қоса шеберлер Emeya-ға алдыңғы сплиттер, артқы спойлер мен дифуззор сияқты көптеген аэродинамикалық элемент орнатқан. Түрлі режимде олар қысу күшін реттеуге және агрегаттардың салқындату тиімділігін ұлғайтуға қатысады.

Минималистік интерьері шағын аспаптары мен алдыңғы жолаушыға арналған дисплейі бар «қатпарлы» алдыңғы панелімен, сонымен қоса ортаңғы үлкен тачскринімен ерекшеленеді. Диагоналі 55 дюймдік проекциялық экран да, шуды белсенді басатын қымбат акустика да бар. Lotus интерьердің жабдықтары туралы мәлімет бермеді, тек Emeya үшін қоршаған ортаға зияны жоқ материалдар жасағанын атап өтті. Салонға пластик қоқыс, киім өндірісінен қалған мақта қалдықтары сияқты материалдар пайдаланады.

1 / 7

• 
• 
• 
• 
• 
• 
• 

1 / 7

Lotus Emeya-ның екі электромоторы Porsche Taycan-дағы сияқты 2 сатылы беріліс қорабымен жүреді. Екеуі 918 ат күші мен 985 Нм момент береді, осының арқасында суперкар алғашқы жүздікті 2.78 секундта алады. Жоғары жылдамдығы — 256 км/сағ. Жүріс қоры туралы ешқандай мәлімет жоқ. Тек 102 киловатт батареяны 5 минутта 150 шақырым жүруге жарайтындай қуаттауға болады, ал 350 киловаттық қуаттау станциясын қолданса, 80 %-ке дейін толтыруға 18 минут кетеді екен.

Седанның жүріс бөлігінде жолдың жағдайын секундына 1000 рет бағалайтын пневоэлементтер мен сезгегі бар бейімді амортизаторлар бар.

Компания суперседан туралы толық ақпаратты 2023 жылдың төртінші тоқсанында жариялайды. Электрокар өндірісі келер жылы басталады. Emeya-ны Қытайда құрастырады. Компания Emeya мен Eletre модельдеріне үміт артып отыр. Былтыр небәрі 576 Emirа бензинді купесі өтіпті, ал электрокарға қазірдің өзінде 17 мың клиент тапсырыс берген.