Әлеуметтік желіде 50–60 мың теңгеге жүргізуші куәлігін алып береміз деп уәде беретіндер бар, «Азаматтарға арналған үкімет» мемлекеттік корпорациясы осындай мәтіндегі 30-ға жуық жазба мен хабарламаны анықтады. «Көмектескіштер» бір айда дайын құжат жіберетінін айтып сендіреді, ал ақша алған соң дереу байланысты үзеді.
Мұндай алаяқтар туралы осыдан бірнеше жыл бұрын да жазғанбыз, өкініштісі олар әлі қулығын асырып жүр.
Биыл сәуірде мемлекеттік корпорация жүргізуші куәлігін алуға заңсыз көмек көрсетпек болған 12 фактіні полицияға тапсырды. «Азаматтарға арналған үкімет» жүргізуші куәлігін тек мамандандырылған ХҚКО-да заңды түрде алуға болатынын ескертеді. Ол үшін 1.25 АЕК (2022 жылы 3975 теңге) мемлекеттік алым төлеп, теориялық және практикалық емтихан тапсыру қажет.
Теориялық емтиханда куәлік алуға үміткер 40 минутта кем дегенде 32 сұраққа дұрыс жауап беруі керек, ал практикалық емтиханда 20 минутта автодромда 12 жаттығуды қатесіз орындауға тиіс.
Жемқорлықпен күрес агенттігінің баспасөз қызметі астанадағы № 2 мамандандырылған ХҚКО қызметкерлері мен бірнеше тұлғаға қатысты жүргізуші куәлігін жүйелі түрде заңсыз беріп, сыйақы алды және көліктерді заңсыз есепке қойды деген күдікпен сотқа дейінгі тергеу басталғанын хабарлады.
Комментариев: 0