Қазіргі ереже бойынша Қазақстанға SOS батырмасы жоқ көлікті 2024 жылғы 1 ақпанға дейін әкелуге және өндіруге болады. Қазақстан тарапы бұл мерзімді ұзартуды ұсынды.
«2023 жылғы 26 қыркүйекте Мәскеуде өткен ЕЭК Кеңесі отырысында Қазақстан отандық өндірушілер мен шетелдік автоөндірушілердің ресми дистрибьюторларының көлік құралын 2027 жылғы 31 желтоқсанға дейін жедел қызмет шақыруға арналған құрылғымен немесе жүйемен (SOS батырмасымен) жабдықтамау құқығын қорғады», — деп хабарлады премьер-министрдің сайты.
Тиісті өзгеріс жақында Кеден одағы комиссиясының 2011 жылғы шешіміне енеді. Осылайша 2027 жылғы 31 желтоқсанға дейін отандық автоөндірушілер мен шетелдік өндірушілердің ресми өкілдері M және N санатындағы көлік құралдарын шұғыл көмек шақыратын жүйесіз тіркеп, айналымға шығара алады.
Шенділер мұндай шешім қондырғының қымбаттығы (шығарылған жылына байланысты кедендік тазарту құнының
«Бұл шешім Қазақстан автоөндірісінің дамуына оң әсерін тигізеді. Көлік құралдарының модельдік топтамасы кеңейіп, Қазақстан нарығына жаңа брендтер келуіне ықпал етеді», — деп жазды үкімет.
Сауда және интеграция министрлігінің Техникалық реттеу және метрология комитеті Kolesa.kz редакциясына хабарлағандай, елде болашақта автомобиль тапшы болуы мүмкін. Олардың айтуынша SOS батырмасы жоқ машинаны тіркеуге рұқсат бермесек, шетелдік автоөндірушілер автожинаққа алдын ала тапсырыс қабылдай алмайды екен.
«Қазіргі геосаяси жағдайға байланысты шетелдік өндірушілер мен ресми импорттаушылар сынақ алаңы орналасқан ЕЭО елдерінің бірінде көлік құралына орнатылған SOS батырмасын сертификаттан өткізе алмайды. Техникалық регламентке сай 2024 жылғы 1 ақпаннан бастап мұндай батырмасы жоқ автомобильді өндіруге және сатуға тағы да тыйым салынады. Салдарынан автокомплект пен автомобиль жеткізу тоқтауы мүмкін, бұл ел экономикасы үшін тиімсіз болады», — деді ҚР ТРМК бастығы Қуаныш Елікбаев.
Қазақстанда жарамды сынақ зертханасы мен сынақ полигоны жоқ, сол үшін автомобильді сертификаттау Ресейде жүргізіледі.
Қ. Елікбаевтың айтуынша ЕЭК Кеңесінің жеңілдік мерзімін ұзарту туралы шешімі 2024 жылғы 1 ақпаннан бастап күшіне енеді. Жеке тұлғаларға 2024 жылғы 1 ақпаннан кейін SOS батырмасы жоқ машина әкелуге рұқсат беру мәселесі әлі шешілген жоқ. Бұл мәселе биыл қазанда өтетін ЕЭК Кеңесінің келесі отырысында шешімін табады.
Бұған дейін Kolesa.kz редакциясы эксперимент жүргізіп, Қазақстанда машинаға SOS батырмасын орнатқан күннің өзінде көп жағдайда жұмыс істемейтінін анықтады. Яғни, SOS батырмасын орнату міндетті шара болғанымен, оның мінсіз жұмыс істейтініне ешкім кепілдік бермейді.
Комментариев: 0