ҚР ІІМ Әкімшілік полиция комитеті төрағасының орынбасары Жандос Мұратәлиевтің айтуынша мекеме заңнамаға өзгеріс енгізу бағытында қарқынды жұмыс істеп жатыр, ол 2022 жылдың аяғына дейін жарияланады.
Ж. Мұратәлиев электросамокат міну үшін жүргізуші куәлігі талап етілмейтінін, бірақ жүргізушінің жасы 16-ға толуы міндетті екенін айтты. Самокатшылардың құқығы мен міндеті жол ережесіне енеді. Самокатта шам, катафот, сигнал және т. б. болуы керек.
Ереже бұзғандар қандай жауапқа тартылатыны Әкімшілік кодексте жазылады.
«Норманы өзге мемлекеттік органдар мен халық талқылайды. Стандартты қабылдайтын кезде урбанистер, блогерлер және қызмет көрсететін компаниялардың пікірін ескердік», — деді комитет төрағасының орынбасары.
ҚР Экологиялық көлік қауымдастығына жиналған самокат жалға беретіндердің талабы бойынша маусымда қабылданған стандарттан тротуармен жүргенде жылдамдықты сағатына 5
«Былтырдан бастап адамдар көп жиналатын жерлерде және мектеп пен балабақша маңында жалға берілетін самокат жылдамдығын сағатына 15 шақырымға дейін шектедік. Біз жергілікті әкімдіктермен бірлесе жұмыс істейміз, қай жерде жылдамдықты шектеу керек, қай жерде қозғалысты шектеу керек және қай жерде велосипед жолағын салу керек екенін бірге анықтаймыз», — деді қауымдастық өкілдері. Кейбір кикшеринг компания саябақтардағы ең жоғары жылдамдықты сағатына 10 км-ге дейін шектеді.
Жалға берілетін самокат қауіпсіздігін жақсарту мақсатында шаралар қабылданып жатқаны жөн-ақ. Бірақ күннен кенге көбейіп келе жатқан түрлі жылдам техника мінгендердің жайы қалай болады?
Комментариев: 0