Жол полициясының қызметкерлеріне планшеттің көмегімен әкімшілік хаттама толтыруға мүмкіндік беретін «Әкімшілік іс жүргізудің бірыңғай реестрі» пилоттық жобасы Қазақстанда 2017 жылы іске қосылған болатын. Ал осы жылдың 1 қаңтарынан бастап ЖКО мен қандай да бір ереже бұзу оқиғаларына қатысты хаттама толтыруда Астана, Алматы қалалары мен Ақмола, Батыс Қазақстан, Қарағанды, Қызылорда, Қостанай, Маңғыстау облыстарының тәртіп сақшылары тек планшетті қолдануға міндеттеледі, деп ҚР ІІМ мәлімдегенін Tengrinews.kz хабарлады.
Тәртіп сақшыларының айтуынша, планшет істен шыққан жағдайда, мысалы, құрылғының қуаты таусылса не ғаламторға қосылу мүмкін болмаса ғана қағаз хаттама толтыруға рұқсат беріледі екен. Ал жүргізуші электронды хаттамаға қол қоюдан бас тартатын болса, бұл іске куәгерлер тартылады. Олардың қатысуымен тиісті белгі қойылып, куәгерлер мен лауазымды тұлғаның қол қоюы арқылы расталады. Пилоттық жоба іске қосылған сәттен бастап жарты миллионға жуық электронды хаттама толтырылыпты.
Комментариев: 0