Бейсенбі, 18 шілдеде, президент «Қазақстан Республикасының кейбір заңнамалық актілеріне көлік және электрмобильдерге арналған инфрақұрылымды дамыту мәселелері бойынша өзгерістер мен толықтырулар енгізу туралы» заңына қол қойды.
Құжат бірнеше заң мен кодекске* электрлі қозғалтқышы бар көлікті пайдалануға қатысты түзету енгізуден тұраады.
Толықтырулардың негізгі бөлігі қуаттау станциясына арналған жер учаскесін (оның ішінде ерекше қорғалатын табиғи аумақтарда) беру талаптарын қамтиды, атқарушы органдарға қуаттау станцияларын орнату туралы шешім қабылдау өкілеттігін береді, олардың қауіпсіз жұмыс істеу талаптарын енгізеді және құжаттарда электромобиль мен электрокарға арналған қуаттау станциясы ұғымын енгізеді.
«Жол жүрісі туралы» заңға енгізілген түзетулер:
- қуаттау станциясымен жабдықталған электромобильге арналған тұрақта қарапайым көліктің тұруына тыйым салады;
- электромобильдің ақылы коммуналды тұрақта тегін тұруын қамтамасыз етеді;
- электрокарларды жұмыс істеп тұрған қозғалтқышымен тұрғын аймақта қалдыруға рұқсат береді.
* Жер кодексі, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы», «Қазақстан Республикасындағы сәулет, қала құрылысы және құрылыс қызметі туралы», «Автомобиль жолдары туралы», «Автомобиль көлігі туралы», «Электр энергетикасы туралы», «Ерекше қорғалатын табиғи аумақтар туралы» және «Жол жүрісі туралы» заңдарына өзгерістер енді.
Комментариев: 0