Әлемдік автонарықта арзан шағын көліктер маңызды орын алады. 2022 жылы Еуропада сатылған жеңіл автомобильдің 23 %-ы, Үндістанда 51 %-ы, Оңтүстік-Шығыс Азия мен Азия-Тынық мұхиты аймағында 28 %-ы, Африкада 38 %-ы осындай машиналар.
Көбі іштен жанатын қозғалтқышпен жүреді. Еуропада батареялы ситикар саны өте аз, АҚШ-та мұндай екі-ақ модель бар — Chevrolet Bolt EV және Mini Electric. Бірақ Қытайда шағын электромобиль Батыс елдерімен салыстырғанда әлдеқайда көп, 2023 жылғы есеп бойынша 34 модель бар деп хабарлайды Jato Dynamics.
SUV және премиум-класты автомобильді электр жетекке көшіру әлдеқайда жеңіл. Мәселе аккумулятор құнына байланысты, өйткені ол машина бағасына айтарлықтай әсер етеді. Сол үшін еңбек күші қымбат елде арзан электромобиль шығару тиімсіз.
Ал Қытайда нарық үлкен әрі ел үкіметі EV-ге көшуге зор қолдау көрсетіп отыр, сол үшін онда арзан электрокар шығаруға мүмкіндік бар. Қытайда батареялы ситикар шетелдегі баламасынан екі есе арзан тұрады. Қытай экспансиясына қарсы тұру үшін Еуропа қосымша алым-салық енгізуді немесе өз машиналарының бағасын түсіруді жоспарлап отыр.
Комментариев: 0