Электрокар батареясының ресурсын азайтып көрсететіндер бар

Ресей автосервис одағының Telegram-арнасы жүргізушілерге Санкт-Петербургте жүрген электрокар батареясының сыйымдылығын бұрмалап көрсету фактісі бірнеше рет тіркелгенін ескертті. Бұл әрекеттің себебі түсінікті, тозған аккумуляторды ауыстыру құны машинаның екінші нарықтағы бағасымен бірдей болады.

Алаяқтық схема мынадай: әккі қулар автомобильді сатар алдында тексерген кезде аспаптар панеліне шығатын батареяның жағдайы туралы деректі қашықтан кемітіп көрсетеді, ол үшін брелокты пайдаланады. Біраз уақыттан кейін құрылғы өшіп, автомобиль нақты цифрды көрсетеді.

Мұндай қулық Nissan Leaf сияқты қолжетімді электрокарларда тіркелген, аталған модельдің батарея (State of Health — SOH) параметрін аспаптар панелінен және Leaf Spy қосымшасынан көруге болады.