«Жол қозғалысы туралы» заңға сәйкес, мопед — цилиндрінің көлемі елу текше сантиметрден аспайтын іштен жану қозғалтқышымен не электрлі қозғалтқышпен жабдықталған және ең жоғары жылдамдығы сағатына елу километрден аспайтын екі немесе үш дөңгелекті көлік құралы. Мопедтерге аспалы қозғалтқышы бар велосипедтер, мокиктер, скутерлер және осыған ұқсас сипаттамалары бар басқа да көлік құралдары теңестіріледі — деп түсіндірді ҚР ІІМ ӘПК.
Полиция қызметкерлерінің айтуынша, электрлі самокаттарды жүргізу үшін арнайы көлік жүргізу куәлігін алудың қажеті жоқ, бірақ оларды тек 16 жасқа толғаннан кейін ғана жүргізуге болады. ҚР ЖҚЕ-нің 24 тармағына сай, мопедтер (және электрлі самокаттар)
велосипед жолымен, қозғалыстың велосипедке арналған жолағымен, ал олар болмаған жағдайда — жолдың жүру бөлігінің оң жақ шетімен, оның ішінде маршрутты көлік құралдарына арналған жолақта, бір қатарда жүре алады. Мопедтермен (электрлі самокаттармен де) жаяу жүргіншілерге арналған жолдармен, жол жиектерімен не тротуарлармен жүру 15 АЕК көлемінде айыппұл салуға әкеп соғуы мүмкін. Өз кезегінде, велосипедтерге (серуендеуге арналған самокаттарға) тротуарлар мен жол жиегінде немесе жаяу жүргіншілерге арналған жолдарда жүруге рұқсат беріледі.
Скоро выпустят закон, чтобы все люди ходили в строительных касках, потому что когда идешь по пешеходной дорожке, бывают столкновения. А если каску не оденешь, то штраф плати.