Электрлі Range Rover-дің алғашқы тизері жарияланды

JLR концерні алғашқы электрлі Range Rover-дің қандай болатынын көрсететін бірнеше сурет пен қысқа видео жариялады. Машина 2025 жылы жарық көреді, ол жайлы ешбір техникалық мәлімет жоқ, соған қарамастан электромобильге тапсырыс беруге болады.

1 / 4

• 
• 
• 
• 

1 / 4

Электрлі жол талғамайтын көлік туралы не белгілі? Машина 800 вольтты EMA модульдік платформасына негізделеді. Автомобиль сипаттамасы V8 моторымен жүретін қазіргі Range Rover-ге ұқсас болуы мүмкін. Электромобильдің жол талғамайтын ерекшелігі де бензинді модельден кем түспейді. Марка өкілдері машина 850 мм кедергіден оңай өтетінін айтты.

Қазірше көліктің жүріс қоры немесе батарея сыйымдылығы белгісіз. Компания электромобильдің дизайны туралы да еш мәлімет бермеді, бірақ тизерден электрлі «рейндж» модельдің стандарт нұсқасына ұқсас болатынын байқауға болады.