Электрлі Macan-ның интерьері қандай болады

Электрокар кейпіне енетін жаңа Porsche Macan-ның ресми дебюті жақындап қалды. Модельді 2024-тің басында жұрт алдына шығуы керек, бірақ әзірше компания паркетниктің салонын көрсетейін деп шешті.

1 / 2

• 
• 

1 / 2

Жаңа Panamera мен Cayenne сияқты Macan EV-дің алдыңғы панелінде үш дисплей болады. Стандарт жабдықтар тізіміне 12.6 дюймдік цифрлы аспаптар панелі және 10.9 дюймдік медиакешен кіреді. Жолаушыларға арналған 10.9 дюймдік дисплей — ақылы опция.

1 / 2

• 
• 

1 / 2

Porsche жаңа проекциялық экранды ерекше атап өтті. Деректердің алдыңғы әйнекке проекциялануы нәтижесінде ақпарат көрсететін аумағы 87 дюймдік монитормен бірдей. Ол жерде көлік жүріп келе жатқан және максимал рұқсат етілген жылдамдықтан бөлек навигация туралы ақпаратты толыққан шынайылық режимінде көруге болады.

Macan EV-дің техникалық сипаттамасына қатысты мәлімет көп емес. Көлік бренд Audi-мен бірігіп жасаған 800-вольтты архитектурада жаңа PPE платформасында жасалады. Үздік модификация 600 ат күшін беретін екі моторлы күштік құрылыммен және 100 кВт·сағ батареямен жабдықталады. «Маканда» жылдам қуаттағыш пен толық басқарылатын шасси болады деген болжам бар.

Macan EV туралы толық ақпарат ресми премьера жақындағанда белгілі болады.