Модельге алдын ала тапсырыс беретін парақшада жаңа көліктің сипаттамасына қатысты ақпарат жарияланды. Кестедегі деректерге сүйенсек, толық жетекті күштік құрылым 313 ат күшіне ие. Машина алғашқы жүздікті 5.2 секундта алады, жүріс қоры 450 шақырымға жетеді. Сыйымдылығы 58 кВт·сағ батарея 15 минутта 20-дан 80 %-ға дейін қуатталады.
Габариті 4640×1890×1600 мм бес орындық көліктің дөңгелек базасының ұзындығы — үш метр. «Ионик» № 5 концепт түрінде бірнеше жыл бұрын көрсетілген, сондықтан оның сырт кейпі жұртты таңғалдырады деп айту қиын.
Ioniq 5 келесі жылы күзде ресми таныстырылады. Бұл модель қуаттау бекеті көптеп салынған елдерге жеткізіледі. Қазақстанның осы тізімге қосылуға талпынып жатқанын ескерсек, темір тұлпар біздің елге де келуі мүмкін.
Комментариев: 0