Электрлі Hyundai Ioniq 5 Қазақстанға келді

Hyundai 2021 жылы ақпанда таныстырған Ioniq 5 Қазақстанға жетті. Біздің елде ұзындығы — 4635, ені — 1890, биіктігі — 1605 мм, ал дөңгелек базасы 3 метр электромобильдің Eco нұсқасын ғана сатады.

1 / 6

• 
• 
• 
• 
• 
• 

1 / 6

Машина 305 ат күшіне ие қос электромотормен жүреді. Агрегат сыйымдылығы 72.6 кВт·сағ батареямен жұмыс істейді. Жүріс қоры — 460 шақырым.

Көліктің Eco комплектациясында алдыңғы, ортаңғы және бүйірлік эйрбэг, қауіпсіздік пердесі; интеллектуалды круиз-бақылау, автоматты тежеу және көлікті жолақта ұстап қалу жүйесін қоса алғанда, брендтің фирмалық жүргізуші ассистенттерінің толық жинағы; толықтай жарықдиодты оптика; екі аймақты климат-бақылау; кілтсіз ашу жүйесі; электр жетегі бар алдыңғы креслолар мен жүксалғыш есігі; барлық орындық пен рөлді жылыту жүйесі мен алдыңғы орындықты желдету жүйесі бар. Сонымен қоса хэтч 12.3 дюймдік цифрлы аспаптар панелі, көлемі дәл сондай медиажүйе экраны, проекциялық дисплей, 6 динамигі бар Bose аудиожүйесі және сымсыз қуаттағышпен жабдықталған. Салон темір элементтер кездесетін экологиялық таза материалдармен қапталған.

1 / 5

• 
• 
• 
• 
• 

1 / 5

Hyundai Ioniq 5-тің бағасы — 28.6 млн теңге. Ал екінші нарықта шамамен 21–25.8 млн теңгеге сатылып жатыр. Модельдің Қазақстандағы негізгі бақталасы Kia EV6 (29.5-30 млн теңге) болатын сияқты. Уақыт өте корей электромобильдері Қытайда шыққан Zeekr-мен бәсекеге түседі.