Электрлі Hyundai Creta қуатты болмайды

Hyundai Үндістан нарығында сатылып жатқан жаңарған Creta-ның электрлі модификациясын премьераға дайындауда. Жергілікті баспасөз хабарлағандай, кроссоверде Kona EV-дің моторы тұрады, бірақ сипаттамасы көліктің өлшемдеріне қарай өзгеруі мүмкін.

Бұрын Creta EV Еуропа нарығына шығатын электрлі Kona-ның базалық модификациясындағы 156 ат күшін беретін қозғалтқышты алады деп болжанған. Дегенмен батареялы Creta-ның моторы тек 138 ат күшін (255 Нм) береді. Kona EV шамамен осындай күштік құрылыммен буын алмасқанға дейін жабдықталған. Жаңа өнім топтамада қуат жағынан ортада қалды.

Автомобиль 45 киловаттық батареямен жабдықталады. Бұл электрокарды кейбір жергілікті бәсекелестердің арасында қолайсыз жағдайда қалдырады. Мысалы, MG және Maruti Suzuki сыйымдылығы 50-60 кВт/сағ болатын өлшемдері бірдей кроссовер сатады.

Creta EV дәстүрлі моторы бар нұсқасының платформасында қалады, бірақ сырт келбеті мен салоны өзгереді. Сыртқы дизайн жағынан электромобильдің бамперлері басқаша және радиатор торының орнында жабық панель болады. Салоны жаңа рөлмен, ортаңғы тоннельмен жабдықталады, ал қорап селекторы рөл жаққа ауысады. Сұйық отын тұтынатын Creta-дағы екі үлкен дисплей қалады.

Электромобиль 2025 жылдың басында саудаға шығады. Hyundai жаңа өнімді Үндістаннан басқа нарықтарға шығаруы мүмкін.