Электрлі Genesis G80 жаңарды

Hyundai концерні Оңтүстік Кореяда Genesis G80 электроседанының жаңарған нұсқасын таныстырды. Бренд төрт есікті көліктің дөңгелек базасын ұлғайтып, сыйымдылығы жоғары аккумулятор орнатты және жаңа экран қосты. Электромобильдің ішкі нарықтағы саудасы тамызда басталады.

Genesis G80-нің дөңгелек базасы — 3139 мм (130 мм ұлғайды), ал екінші қатарының кеңдігін G90 флагманымен салыстыруға болады. Опция ретінде реттелетін және экрандары бар бөлек орындықтар, артқы есіктерге электрлі жетек орнатуға болады. Жүргізуші орнында аспаптар панелі мен медиажүйенің сенсорлы экранын біріктіретін жаңа 27 дюймдік дисплей пайда болды.

1 / 5

• 
• 
• 
• 
• 

1 / 5

Батареясының сыйымдылығы 87.2-ден 95.4 кВт⋅сағ-қа өсті. Жергілікті сынақ циклына сәйкес электромобильдің жүріс қоры 427-ден 475 шақырымға ұлғайды. Еуропадағы WLTP стандартымен өлшегенде жүріс қоры қазіргі 520-дан 600 км-ге жетуі мүмкін.

Алдыңғы бампердегі ауа өткізгіштерінен, шанақта хром көбейгенінен және жаңа 19 дюймдік дискілерден машинаның сырт келбеті өзгергенін көруге болады. Жарық техникасы жақсарды. Күштік құрылымды жақсарту туралы айтылмады. Жаңа Genesis G80 екі 370 ат күшіне ие және 700 Нм момент беретін мотормен жүреді.