Электрлі геликтің тұсаукесері Қытайда өтеді

«Гелендвагеннің» барареялы нұсқасы 24 сәуірде Бейжіңде жарық көреді. Mercedes-Benz модельдің тұсаукесері Қытай астанасындағы халықаралық автосалон аясында өтетінін хабарлады. Сондай-ақ Шанхайдағы жол талғамайтын көліктер көрмесінен бірнеше күн бұрын Mercedes-Benz қуатты спорткарын таныстырады.

Mercedes-Benz камуфляжбен қапталған жол талғамайтын көлікті бірнеше рет көрсеткен, бірақ техникалық жағы туралы мәлімет бермеді. Батареялы гелик рамалы құрылымын сақтап қалады, бірақ толық жетекті жүйе төрт электромотор арқылы жүзеге асады. Mercedes-Benz бұл тәсілді G-Turn деп атайды.

1 / 5

1 / 5

Қозғалтқыш қуаты туралы ақпарат жоқ, бірақ тұсаукесер жайлы хабарландыруда компания электрокар индексі G 580 болатынын айтты. Бұл индекс мотор қуатын көрсетуі мүмкін, бірақ машинаның бензинді нұсқасында мұндай сәйкестік жоқ. Сондай-ақ бірнеше күн бұрын жаңа геликтің геометриялық көрсеткіші белгілі болды, клиренсі — 250 мм, кіру және шығу бұрышы — 32 және 35 градус.

20 сәуірде Шанхайда өтетін Формула-1 Гран-приі кезінде Mercedes-Benz арнайы шара ұйымдастырып, AMG GT 63 S E Performance купесін көрсетеді. Ол AMG GT-дің ең қуатты әрі жылдам түрленімі болады, бірақ оның да техникалық сипаттамасы жарияланған жоқ. Осындай атауға ие түрленім Mercedes-Benz топтамасындағы модельдердің көбінде бар. Олар 4 литрлік V8 және электромотормен жүреді, мысалы, SL кабриолеті 816 ат күшіне ие (1420 Нм). Мұндай SL алғашқы жүздікті 2.9 секундта еңсереді. Купе бұдан қуатты әрі динамикасы жақсы болуы мүмкін. Ол 100 шақырымға 8.2 литр отын тұтынады, ал төбесі ашық нұсқа бұдан жарты литр аз жұмсайды.

1 / 5

AMG GT Concept E Performance

1 / 5

Компания екі жаңа өнімін Қытайда таныстырғалы отыр, бұл марканың Қытай нарығын басты назарда ұстап отырғанын білдіреді. Әлемдегі ең ірі автомобиль нарығы саналатын Қытай брендтің ұзақ мерзімді стратегиясында маңызды орынға ие.

Комментариев: 0