JLR концерні Defender топтамасындағы электрлі модельдің жарық көретін мерзімін кемінде екі жылға кейінге қалдырды. Бұл туралы The Times компания ішіндегі дереккөзге сілтеме жасай отырып хабарлады.
Ал Range Rover Electric моделін өндіру жоспары күшінде қалады. 800 вольтты архитектураға негізделген батереялы жол талғамайтын көліктің тұсаукесері биыл жыл аяғында өтеді, машина клиенттер қолына 2027 жылы күзде тиеді. Оның ізін ала электрлі Range Rover Sport, одан кейін Velar мен Evoque жарық көреді.
Басылым JLR мен Stellantis арасындағы келісім жайлы ақпарат берді. АҚШ-тың кедендік алымын айналып өтіп, өнімнің өзіндік құнын түсіру үшін мұхиттың арғы бетінде Defender брендімен жаңа модельдер құрастырады, олар рамалы Jeep архитектурасына (STLA Large платформасы) негізделеді.
Stellantis неге бәсекелесімен серіктес болғалы отыр? Қазір олардың Солтүстік Америкадағы зауыттары жартылай ғана жұмыс істеп тұр, конвейерді толтыру үшін концерн осы қадамға барды. Қос тарап нақты келісімге биыл жыл аяғына дейін қол қояды.
Комментариев: 0