Электрлі Audi Q8 уақытынан бұрын қатардан шығуы мүмкін

Audi компаниясы Q8 E-Tron және спорттық Q8 Sportback e-tron кроссоверлерінің мерзімінен бұрын өндірістен алынатынын люкс класс электромобиль сегментіндегі тапсырыстың төмендеуімен байланысты деп түсіндірді. Бұл туралы Carscoops порталы хабарлады.

Батареялы Q8 модельдерінің тағдырына бірінші жартыжылдықтағы табыс та әсер ете алмады. Мысалы, АҚШ-та Q8 E-Tron саудасы 37 % өсті. Audi жаңа Q6 e-tron моделіне жол беру үшін сақтанғысы келетін сияқты. Ол кеңейген мүмкіндіктері бар 800 вольттық PPE платформасына негізделген. Жүріс қоры 625 шақырымға өсті.

Нақты мерзімі белгісіз, бірақ Q8 E-Tron/Sportback e-tron өндірісінің тоқтауы қазір оларды шығарып жатқан Бельгиядағы кәсіпорынның болашағына әсер етеді. Брюссельдің орталығына жақын орналасқан зауыт логистикаға көп қаражат жұмсайды және қайта құрылымдауды қажет етеді деді компания өкілдері.

Бұл жаңалық кәсіпорын ұжымының көңілін түсірді, себебі олар жұмыссыз қалуы мүмкін. Қазір Audi басшылығы жергілікті кәсіподақпен және муниципалитетпен кеңесіп, барлық тарап үшін қолайлы шешім табуға тырысуда.