Audi Еуропада Sportback және Avant шанағындағы Audi A6 e-tron-ның жаңа түрленіміне тапсырыс қабылдай бастады. Жаңа модельдер бір моторлы және толық жетекті модификациялардың бастапқы құнын төмендетуге бағытталған. Электрокар 13 мың еуроға (7 млн теңге) арзандады.
Жаздағы дебюттен кейін нарыққа Audi A6 e-tron моделінің 367 ат күшіне ие бір моторлы және 550 ат күші бар екі моторлы S6 нұсқасы шықты. Мамандар жаңа базалық модификацияға 326 ат күшін беретін мотор орнатқан, онымен автомобиль алғашқы жүздікті 6 секундта еңсереді. Басқа комплектацияларда 100 киловаттық батарея болса, бұл көлік 83 кВт·сағ батареямен жабдықталған. Жүріс қоры шанақ түріне байланысты 598-637 шақырымға жетеді.
Бұрын Еуропада Audi A6 e-tron-ның құны 75.6 мың еуродан (40 млн теңге) басталған, қазір 62.8 мың еуроға (33.2 млн теңге) түсті.
Жаңа толық жетекті модификация 100 кВт⋅сағ аккумуляторын сақтап қалды, бірақ моторлары 462 ат күшін береді. Көлік алғашқы жүздікті 4.5 секундта еңсереді, ал жүріс қоры 658-715 шақырымды құрайды. Мұндай электромобиль 79 800 еуро (42.3 млн теңге) тұрады, бұл Audi S6 e-tron-ның бастапқы бағасынан айтарлықтай төмен.
Жаңа A6-ның аккумуляторын 10-нан 80 %-ға дейін 21 минутта қуаттауға болады. Қуаты азайғандықтан алғашқы жүздікті еңсеру уақыты 0.6 секундқа артты.
Audi-дің электромобильдері енді жұп санмен белгіленеді. Буыны алмасқан A6 — электрокар. Модельдің енді седан шанағы жоқ, топтамада тек хэтчбек (Sportback) және универсал (Avant) болады.
Комментариев: 0