Ковид адамдардың күнделікті өмір салтын өзгертуіне себеп болды. Жұрт әр күннің қадірін біліп, саяхаттап, уақытты мәнді өткізу керектігін, дүние аз болса да, өмір сүруге мүмкіндік зор екенін түсінді.
Солтүстік Америкада 2011 жылдан 2021 жылға дейін автоүй саны 26 %-ға өскен, қазір 11.2 миллион отбасы дөңгелекті үй пайдаланады. Технологияның дамуы автоүйді бұрынғыдан танымал етті, жол бойындағы қызмет көрсетудің жақсаруы саяхатшылардың ұзақ сапарға шығуына жол ашты, ал сапалы интернет қашықтан жұмыс істеуге мүмкіндік берді.
АҚШ-та ескі модельді сатып алушыларға машинасын жаңартуға жағдай жасалған. Әдетте автоүйдің дәретханасы, электр қуаты және байланыс жүйесі (интернет) жақсартылады. Атап айтқанда, кемпердің кәріз жүйесін арнайы автотұрақтағы стационар суағарға қосуға, ал табиғат аясында кассеталы әжетхана пайдалануға болады. Автоүйлердің электр қуаты да жақсарды, литий-ионды батареяның сыйымдылығы жылдан-жылға артып, кемпердің орташа автономиясын бес күнге дейін жеткізді, сондай-ақ жаңа буын энергия көзін пайдалануға болады. Ал қолжетімді интернет жайлы айтсақ, ұялы байланыстан бөлек, тарифі арзан спутникті интернет қосылады.
Алдағы уақытта автоүйлерде күн батареясы орнатылған жиналмалы шатыр болады, ол кір жуатын, ыдыс жуатын машинадағы және жуынған суды қайта пайдалануға мүмкіндік береді.
Комментариев: 0