17 қаңтарда Қостанай облысының шекарасынан Сұрған ауылына дейінгі аралықта (Қостанай — Әулиекөл — Сұрған тас жолының 232-ден 260-шақырымы) жол жабылды, барлық көлік құралының жүруіне болмайды. Өңірде боран соғып, жолды көру қиындады.
Сондай-ақ Осиновский асуында да шектеулер енгізілді. Өскемен — Алтай — Рахман қайнары тас жолының 46-шақырымнан 66-шақырымға дейінгі бөлігінде (Северное ауылынан Серебрянск бұрылысына дейін) тіркемелі және жартылай тіркемелі жүк көліктерінің жүруіне тыйым салынды.
ҚР Төтенше жағдайлар министрлігі азаматтарды ауа райының өзгерісін назарда ұстап, дауыл соғатыны жайлы ескертетін хабарламаларды елеусіз қалдырмауға және қажетті сақтық шараларын жасауға шақырады. Құтқарушылар қыста қала сыртындағы жолға шығар алдында ауа райы болжамын үнемі тексеріп тұруға кеңес береді.
Комментариев: 0