Жол ережесінің «Сыртқы жарықтандыру приборларын және дыбыстық сигналдарды пайдалану» деген 19-тармағы, 12-тармақшасына сәйкес, тек мына жағдайларда дыбыс сигналын беруге рұқсат беріледі:
- елдi мекеннен тыс жерде басып озу ниетiн ескерту мақсатында;
- жол-көлiк оқиғасын болдырмау үшiн қажет болған жағдайларда.
Яғни, қала не ауылда, кептелісте тұрғанда, қозғалысты реттеушіні асықтыру үшін немесе аулада тұрып біреуді шақыру үшін бипылдатуға заңмен тыйым салынған.
Бұл ережені елемеген жүргізушілерге 3 АЕК, ал бір жыл ішінде осы әрекетін қайталаса, 5 АЕК мөлшерінде айыппұл салынады.
Әкімшілік кодекстің 797-бабында тәртіп сақшыларының себепсіз гуілдетіп, елдің мазасын алғандардың көлігін айып тұрағына жіберуге құқығы бары жазылған.
Одан бөлек, егер жүргізуші тұрғын үйдің ауласында жұмыс күндері 22:00-ден 9:00-ге дейін, демалыс және мереке күндері 23:00-ден 10:00-ге дейін дыбыс сигналын басса, Әкімшілік кодекстің 437-бабы бойынша, яғни тыныштықты бұзғаны үшін жауапқа тартылады. Бұл жағдайда заң бұзған азамат 5 АЕК мөлшерінде айыппұл төлейді.
Сәтті сапар тілейміз және себепсіз бипылдата бермеңіздер!
Комментариев: 0