Қазақстанда жол-көлік оқиғасының өсуіне бас прокурор Берік Асылов назар аударды және 2 қазанда X әлеуметтік желісіндегі парақшасында қысқа талдау жариялады. Апат саны екі есе өскен!
90 % қайдан шыққанын Асылов өз твитінде нақтыламады, бірақ Бас прокуратураның Құқықтық статистика және арнайы есепке алу жөніндегі комитетінің порталынан былтыр 1 қаңтар мен 1 қазан аралығында 11 966 адам зардап шеккен жол-көлік оқиғасы тіркелгені туралы ақпарат табуға болады. Прокурорлардың есебіне сәйкес, былтыр 15 647 жол апаты болған, ал Ұлттық статистика бюросының көрсеткіші сәл жоғары — 15 886. Биыл дәл сол кезеңде — 17 815. Демек, 32.8 % өскен. Бұл 90 % емес.
Пайыз өз алдына, бірақ биыл тоғыз айда 18 мыңға жуық жол апаты болғаны да аз емес! Мұнда Қазақстандағы жалпы апат санын 2014 жылдан бері санамайтынын да ескеру керек: он жыл бойы тек қаза тапқандар мен зардап шеккендер болған жол-көлік оқиғасы көрсетілген. Сақтандыру компанияларының есептерін қарап, нақты санын білуге болады. «Еуразия» сақтандыру компаниясы Мемлекеттік несие бюросының деректерін талдап, былтыр жүргізушілерге 92 мыңнан астам төлем жасалғанын анықтаған. Төлемдердің бір бөлігі 2022 жылдан 2023 жылға ауысқан, бірақ шамамен дәл осындай көлемде 2024 жылға өтті. Сондықтан есеп шамамен сәйкес келеді.
2023 жылы 12 айда 15 647 емес, 92 925 апат болды, яғни ресми есептен 5.9 есе көп! Айырмашылығы жер мен көктей. Бұл мәселені шұғыл түрде шешу керек. Тек прокурорлардың күші жетпейді.
Берік Асылов әлеуметтік желіде алдымен ең қауіпті жол учаскелеріне назар аудару керек деп жазды. Яғни, асфальт жағдайы, қоршаудың, белгілердің жетпеуі… Дұрыс! Жүргізушілердің жол ережесін елемеуі және мәдениеттің төмендеуі де маңызды мәселе. Бұл Қазақстандағы керемет жолдарда да болып жатыр.
Комментариев: 0