Қазақстан Республикасының кейбір заңнамалық актілеріне цифрландыру, көлік және кәсіпкерлік мәселелері бойынша өзгерістер мен толықтырулар енгізу туралы заңды сенаторлар мақұлдады. Құжат жобасына кірген жаңа нормалардың бірі электрокар алатын арнайы нөмірмен байланысты. Заң жазда қабылданғанмен, көлік иелеріне біраз күтуге тура келеді.
«Бұл қызметті көрсететіндермен бәрін талқыладық. Электромобильге арнап нөмір әзірлеу үшін мемлекет ақша жұмсамайды, себебі тақтайшаның фоны (алдын ала мәлімет бойынша жасыл түсті болады) ғана өзгереді. Біз норма жарты жылдан соң күшіне енсе деп сұрадық. Бұл уақытта жеткізуші дайындалып үлгереді. Бұған бюджеттен бір тиын да бөлінбейді», — ішкі істер министрінің орынбасары Санжар Әділов.
Осы заң жобасының шеңберінде елдегі пилотсыз көлік құралдарын пайдалану тәртібін реттеп, шағын электрлі көлік мінгендердің жүргін бөлікке шығуына тыйым салу, мас күйде машина тізгіндеп ұсталған азаматтың жүргізуші куәлігі болмаса, 7 не 8 жыл бойы емтихан тапсыруына рұқсат бермеу туралы да жазылған.
Комментариев: 0