Елде тағы үш трасса ақылы болады

Көлік министрлігі Республикалық маңызы бар жалпыға ортақ пайдаланылатын автомобиль жолдарын ақылы негізде пайдалану туралы" бұйрық жобасын дайындады. Құжатқа сәйкес ведомство жүргізушілерден мынадай сома алуды көздеп отыр:

Қызылорда — Арал тас жолы (454 км 850 метр)

орын саны 16-дан аспайтын автобустар мен 2.5 тоннаға дейін жүк көтеретін көліктерден — 3130 теңге,
орын саны 32-ден аспайтын автобустар мен 5.5 тоннаға дейін жүк көтеретін көліктерден — 6330 теңге,
орын саны 32-ден көп автобустар мен 10 тоннаға дейін жүк көтеретін көліктерден — 9460 теңге,
10 тоннадан 15 тоннаға дейін жүк көтеретін көліктерден — 12 660 теңге,
тіркемесі бар жүк көліктері мен ершікті тартқыштарды қоса алғанда, 15 тоннадан артық жүк көтеретін көліктерден — 15 790 теңге.

Қостанай — РФ шекарасы (Троицкіге), 163 км

орын саны 16-дан аспайтын автобустар мен 2.5 тоннаға дейін жүк көтеретін көліктерден — 680 теңге,
орын саны 32-ден аспайтын автобустар мен 5.5 тоннаға дейін жүк көтеретін көліктерден — 1380 теңге,
орын саны 32-ден көп автобустар мен 10 тоннаға дейін жүк көтеретін көліктерден — 2060 теңге,
10 тоннадан 15 тоннаға дейін жүк көтеретін көліктерден — 2560 теңге,
тіркемесі бар жүк көліктері мен ершікті тартқыштарды қоса алғанда, 15 тоннадан артық жүк көтеретін көліктерден — 2920 теңге.

Ақтөбе — РФ шекарасы (Орынборға), 92 км 392 метр

орын саны 16-дан аспайтын автобустар мен 2.5 тоннаға дейін жүк көтеретін көліктерден — 630 теңге,
орын саны 32-ден аспайтын автобустар мен 5.5 тоннаға дейін жүк көтеретін көліктерден — 1280 теңге,
орын саны 32-ден көп автобустар мен 10 тоннаға дейін жүк көтеретін көліктерден — 1910 теңге,
10 тоннадан 15 тоннаға дейін жүк көтеретін көліктерден — 2560 теңге,
тіркемесі бар жүк көліктері мен ершікті тартқыштарды қоса алғанда, 15 тоннадан артық жүк көтеретін көліктерден — 3190 теңге.

Іргелес жатқан елді мекен тұрғындары 3692-18 460 теңгелік бір айға жететін абонемент алса болады, ал жылдық «жол билетінің» бағасы 44 304 теңгеден басталып, 221 520 теңгеге дейін жетеді.