Қазақстан нарығында ресми сатылатын дизельмен жүретін жеңіл көлік көп емес. Мұндай машинаны Jaguar, Land Rover, BMW, Mercedes-Benz және Audi секілді бірқатар еуропалық өндіруші ғана ұсынады. Оның үстіне аталған маркалардың дизельді түрленіміне сұраныс аз. Елімізде бұл отын түрінің сапасына күмәнмен қарайтындар көп. Елде Mitsubishi L200, JAC T6 және Volkswagen LCV сияқты жеңіл коммерциялық көліктер бар.
Дегенмен сатылымға дизельді түрленімін шығаруға тырысатындар да жоқ емес. Hyundai дилерлері Қазақстанда сатылатын модельдік топтамасына капот астына 4 цилиндрлі турбодизель қойылған үш жеңіл көлік қосты. Олар 2 литрлік агрегаты бар Tucson (186 ат күші мен 416 Нм), 2.2 литрлік мотор орнатылған Santa Fe мен Palisade (199 ат күші мен 440 Нм).
Бағасы қанша?
| Tucson нұсқалары | Бензин, 2 л | Бензин, 2.5 л | Дизель, 2 л |
| Базалық комплектация | 11 990 000 | 14 590 000 | 14 390 000 |
| Толық комплектация | 15 590 000 | 17 290 000 | 17 990 000 |
Дизельді Tucson-ның базалық нұсқасы едәуір қымбат, бірақ ол толық жетекті болады және стандартты бензинді нұсқадағы секілді механикалық қорап болмайды. Ал бағасы 18 млн теңгеге жуық үздік комплектациясы N Line пакетін қамтиды, бұл бензинді «туссанда» жоқ.
| Santa Fe нұсқалары | Бензин, 2.5 л | Бензин, 3.5 л | Дизель, 2.2 л |
| Базалық комплектация | 15 690 000 | – | 17 490 000 |
| Толық комплектация | 20 690 000 | 21 790 000 | 21 390 000 |
Бензинді V6 үздік Santa Fe-нің 7 орынды High Tech нұсқасында ғана қолжетімді, бірақ көлік құнын 1.1 млн теңгеге жоғарылататын Prime және Luxe қосымша пакеттері бар.
| Palisade нұсқалары | Бензин, 3.5 л | Дизель, 2.2 л |
| Базалық комплектация | 21 390 000 | 21 090 000 |
| Толық комплектация | 24 890 000 | 24 990 000 |
Дизельді нұсқада таңдауға болатын комплектация түрі көп. Мысалы, Palisade-та он жиынтық бар, ал бензинді нұсқасы үш комплектацияда ғана ұсынылады.
Сондай-ақ Hyundai турбодизельді Staria минивэнін (2.2 литрлік мотор) таныстырды, машина екі түрлі трансмиссиямен сатылады, жолаушы тасуға арналған нұсқасы 8 сатылы автоматпен, ал жүк таситын фургон 6 сатылы механикамен жұмыс істейді.
Ендігі сұрақ: дайын дизельді көліктер бар ма? Әсіресе, кезек созылып кеткен Tucson қолжетімді болды ма? Өкінішке қарай, жоқ. Басқаша мотор қойылғанымен Hyundai модельдері салонда көбейіп кеткен жоқ, бағасы да түспеді.
Дизельді қозғалтқыш орнатылған Hyundai сатып алар ма едіңіз? Егер мұндай машина мінген болсаңыз, ол жайлы ойыңызды жазыңыз!
Комментариев: 0