Елде барлық мамандандырылған ХҚКО жұмыс істемей тұр

«Азаматтарға арналған үкімет» Kolesa.kz редакциясына хабарлағандай, портал мен деректер базасына қолдау көрсетуге жауапты «ҰАТ» АҚ жұмысында бүгін таңертең ірікіліс байқалды. Қазір елдегі барлық мамандандырылған ХҚКО-да көлікті тіркеу, қайта тіркеу және жүргізуші куәлігін беру қызметін пайдалану мүмкін емес.

«Қазір eGov.kz порталы, «Ашық үкімет» порталы, eGov мобильді қосымшасы және жеке тұлғалардың мемлекеттік деректер базасы дұрыс жұмыс істемей тұр. Соның салдарынан ХҚКО-да қызмет көрсету және екінші деңгейлі банктердегі мемлекеттік қызмет бөлімі қолжетімді емес. Аталған порталдардың қызметін қалпына келтіру жұмысы жүріп жатыр. Жақын арада бәрі қалпына келеді. Қолайсыздық үшін кешірім сұраймыз», — деп мәлімдеді мемлекеттік корпорация.