Ел тұрғындары былтыр VIP-нөмірге 6 миллиард теңге жұмсаған

ІІМ жүргізушілердің көлігін тіркегенде eGov.kz немесе банк қосымшасы арқылы қымбат нөмірді онлайн таңдап жатқанына бес жыл болғанын айтты. Қазір бұл қызметті электронды үкімет сайтындағы жеке кабинетке шығару мүмкіндігі қаралып жатыр екен.

Өткен жылдарға талдау жасасақ, бұл жылына 20 мыңнан астам адамның ХҚКО-ға бармай-ақ беделді нөмір брондап, кейін машинасын тіркегенде оны алуына жағдай жасайды. Тәртіп сақшыларының сөзінше 2022 жылы ел азаматтары 6 млрд теңгеге VIP-нөмір сатып алған.