Шетелдік машиналарды заңдастыру шарасы кеше, 23 қаңтарда басталды. Кешке қарай 18:00-де белгілі болған мәлімет бойынша екі мыңнан аса өтініш мақұлданған, 100 адам көлігін тіркеу үшін 214 мың теңге төлеп, құжат пен нөмір алыпты.
Кейбір орталықтарға жүргізушілер таң атпай жаинала бастаған.
«Азаматтарға арналған үкімет» арнайы ХҚКО ашылатын сәтте халық қарасы көп болғанмен, мәселені тез шешкенін хабарлады.
«Қазір арнайы ХҚКО-лар әдеттегі режимде жұмыс істеп, тұрғындарды электронды кезек бойынша қабылдап жатыр. Көлік заңдастыруға келген кісілер үшін орындар бөлінді», — деді корпорация қызметкерлері.
Шенділер жария еткен ақпарат қуантады, әрине. Бірақ машинаның экокласына қатысты шектеу әлі күшін жойған жоқ. Сонда техникалық талапқа сай келмейтін көліктер қалай техпаспорт пен нөмір алып жатыр? Сонымен қатар «Жол жүрісі туралы заңдағы» бұрынғы елде есептен шықпаған және шанағы ауысқан техниканы заңдастыруға мүмкіндік беретін қате шешімсіз қалды.
Редакция «Билік заңдастырып жатқан барлық көлік бұрынғы есептен шыққан ба?» деген сұрағына «Иә, барлығы!» деген жауап алды. Алайда армениялық көлік мініп жүрген адам сол елге барып-келуге тиіс. Машинаның бөтен ел нөмірін не сары нөмір тағып жүргені маңызды емес. «Альфард» пен басқа да көлік иелері заңдастыру басталар алдында ауа райының қолайсыз болуына қарамай, тездетіп Ереванға не басқа қалаға аттанып, техникасын тіркеуден шығарып келді деп үміттенеміз. Бірақ бізде күдік басым.
Комментариев: 0