Экстремал BMW M3 CS алғашқы жүздікті 3.4 секундта еңсереді

BMW M3 спортседанының экстремал түрленімін таныстырды. CS белгісі бар машина M4 CSL суперкупесі секілді қатарлы алтылықпен жүреді. Бірақ біршама айырмашылық бар, соның арқасында бес орынды спорткардың динамикасы екі орынды купеден жақсы.

Үш литрлік турбомотор купедегі секілді 550 ат күші мен 650 Нм момент береді. Бірақ M4 CSL-ден айырмашылығы седан толық жетекті, 8 диапазонды автоматтан бөлек трансмиссиясында xDrive жүйесі болады.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Жүзге дейінгі жылдамқтықты седан 3.4 секундта еңсереді, ал купенің көрсеткіші бұдан 0.3 секунд баяу. Бірақ ең жоғары жылдамдық бойынша жаңа өнімнің нәтижесі сәл төмен — 302 км/сағ.

Мамандар жаңа М3-ке кинематикасы өзгерген аспа орнатып, бейімді амортизатор, серіппе және стабилизаторын қайта баптады. Тіпті дөңгелек туралау бұрышын қайта қарап, көмекші жүйелерін қайта іріктеді. Базалық комплектациясы 19 және 20 дюймдік дөңгелек дискісімен жабдықталады, M Carbon тежеуішін опция ретінде алуға болады.

Компания бұл эмканың салмағын төмендету үшін біраз жұмыс істеді. Кей бөлшегін карбон материалға ауыстырып, салонға қаңқасы көмірпластиктен жасалған орындық орнатты. Бірақ M4 CSL секілді көп жеңілдеген жоқ. Седан салмағы 34 келі ғана төмендеді, ал купе бір центнерден аса салмақтан арылған, оған артқы диванның жоқтығы да әсер етті.

1 / 8

• 
• 
• 
• 
• 
• 
• 
• 

1 / 8

Интерьерде тағы бір айырмашылық бар. M3 CS креслосы M4 CSL-дегі орындыққа ұқсас, бірақ төрт есікті машинаға BMW Live Cockpit деп аталатын жаңа медиажүйе орнатқан. Бұрын ол жаңарған «үштікке» де қойылған. Заманауи медиажүйеден бөлек салонда 12.3 және 14.5 дюймдік екі дисплейден тұратын экран бар.

Жаңа өнім биыл наурызда Германиядағы зауытта шыға бастайды, негізгі нарық — АҚШ, Ұлыбритания және Жапония. Спорткар АҚШ-та кем дегенде 118 700 доллар тұрады, ол BMW M4 CSL-ден 20 000 доллар арзан. Машина шекті мөлшерде шығатыны анық, бірақ саны нақты қанша болатыны белгісіз.