Экспедицияға арналған Genesis GV70

Үш жыл бұрын жарық көрген Genesis GV70 келер жылы рестайлингтен өтеді. Компания оған дейін модельге жұрт назарын аудару үшін германиялық Delta 4×4 ательесімен бірге көліктің экспедицияға арналған түрленімін жасады. Бірақ бұл машина сериялы өндіріске шықпайды.

1 / 9

• 
• 
• 
• 
• 
• 
• 
• 
• 

1 / 9

Аспасы бірнеше дюйм биіктегендіктен, Genesis GV70 Project Overland-тың жол талғамайтын мүмкіндігі стандарт кроссоверден едәуір артық болады. Үлкен дөңгелек аркасының астынан бұдырлы Continental ATR шинасымен қапталған 18 дюймдік Classic B Rugged дөңгелек дискісін байқауға болады.

Сондай-ақ кроссовер төбесінде ірі экспедициялық жүксалғыш пен қосымша жарық техникасы бар, мысалы, жарықдиодты PIAA шамы және бампердегі Baja Style прожекторын айтуға болады.

Genesis GV70 Project Overland желтоқсанның басында Эссен автосалонында көрмеге қойылады, автомобильдің сырт пішінінде және салонында қандай өзгеріс бар екені сол кезде белгілі болады.