Экобелсенділер джипке қарсы

Бұл туралы The Guardian хабарлады. Елде жол талғамайтын көліктерге шабуыл жасау оқиғасы алғаш рет наурызда Ұлыбританияда тіркелген, кейін бұл бастама шетелде жалғасын тапты. «Шина жарғыштар» ымырт жабыла жалғыз немесе топтасып әрекет етеді. Шинаның желін шығару үшін олар жасымықты(чечевица) дөңгелек қақпағына қойып кетеді. Осылайша экобелсенділер ел аумағында бір-екі аптада кем дегенде мың машинаның желін шығарып кетті. Соның салдарынан көптеген жүргізуші жұмысқа кешіккен.

Олар леуметтік желіде Land Rover, Jeep, Toyota секілді маркаларды басты нысана ретінде көрсетеді. Сондай-ақ машина терезесіне автомобильдің қоршаған ортаға келтіретін зияны жазылған парақ жапсырып кетуді ұсынады.

Жол талғамайтын көлік пен кроссовердің көбеюі 2010-2018 жылдар аралығында тұтас әлемде зиян газ мөлшерінің артуына әсер еткен екінші үлкен фактор саналады. Олар атмосфераға жылына 700 мегатонна көміртек шығарады, бұл Ұлыбритания мен Нидерланд еліндегі өндіріс орындарынан шыққан зиян газ мөлшерімен бірдей. Ал мұндай улы газдар өлімге әкелетін қатерлі ауруларды өршітеді.