Екінші буындағы Volkswagen Amarok таныстырылды

Бірнеше тизерден кейін Volkswagen Amarok пикапының екінші буынын ресми таныстырды. Машинаны неміс компаниясы мен Ford Motor бірлесіп жасаған.

Модель 2021 жылы күзде жарық көрген жаңа Ford Ranger негізінде жасалды. Екі машинаның шассиі, аспасы, шанақ құрылымы, есік тұтқасы секілді бірқатар бөлшегі ұқсас.

Бес адамға арналған екі қатарлы төрт есікті машинаның ұзындығы — 5350 мм. Дөңгелек базасы — 3270 мм, ені — 1910 мм, биіктігі — 1888 мм. Пикап 1200 келі жүк көтере алады.

«Амарокатың» салонында медиажүйенің ірі тік планшеті бірден назар аудартады. Оның өлшемі көлік нұсқасына байланысты 10-нан 12 дюймге дейін болады. Екінші экран аспаптар панелінің қызметін атқарады. Оның екі нұсқасы бар. Қарапайым көлікте дисплей 8 дюймді, ал қымбатында — 12 дюймді. Компания машинада көмекші жүйелер кешені мен Harman Kardon аудиожүйесі бар екенін еске салады.

1 / 5

• 
• 
• 
• 
• 

1 / 5

Amarok дизельмен де, бензинмен де жүреді. Дизельді нұсқасы 2 литрлік турбомотормен үш түрлі қуатта ұсынылады: 150, 170 және 209 ат күші, сондай-ақ 238 күшке ие 3 литрлік V6 да бар. Ал бензинді қозғалтқыш біреу ғана. Ол — 302 ат күшіне ие 2.3 литрлік Ford EcoBoost қатарлы төрттігі.

Беріліс қорабының да бірнеше түрі бар. Қуаты 200 ат күшінен аз мотор механикамен және 6 сатылы автоматпен жұмыс істейді, ал қалғаны тек 10 сатылы автоматпен жұптасады. Жетектің екі түрі бар. Қарапайым «Амарок» алдыңғы жетекті, қымбат нұсқасы толық жетекті болады.

1 / 6

• 
• 
• 
• 
• 
• 

1 / 6

Жаңа Amarok Оңтүстік Африканың Претория қаласында шығады. Сатылым 2022 жылдың аяғында басталады. Немістер модельдің бірінші буынын өндірістен алмайды. Ол Латын Америкасы елдері үшін Аргентинада жалғасты құрастырылады. Жаңа өнім Қазақстанға жеткізіле ме, жоқ па белгісіз. Пикап Volkswagen-нің біздің елдегі ресми топтамасынан 2021 жылы алынған.