Қазіргі Mitsubishi ASX шыққанына он екі жыл болды, бұл аз уақыт емес. Компанияда болған қиын кезеңдерде де MMC басшылығы көп елде танымал кроссоверді үнемі жаңартып отырды, тіпті сырт пішінін түбегейлі өзгертті. Бірақ бұдан әрі жаңарту мүмкін емес, модельдің жаңа буынын шығаратын кез келді. Екіші буындағы Active Sport X-over биыл күзде көрсетіледі деп жоспарланып отыр.
Renault — Nissan-мен серіктес екенін ескерсек, болашақ Mitsubishi ASX екінші буындағы Renault Captur-ге (2019 жылы шыққан) ұқсауы мүмкін. ASX-тің дөңес шанағы (тизерде көрсетілген) ғана емес, 1.6 литрлік бензинді мотор негізгі болатын 145 ат күшіне ие гибрид күштік құрылымы да донормен бірдей болады. Аралық нұсқаға 1.3 литрлік турботөрттік (158 ат күші) қойылады, ол 6 сатылы механика немесе 7 диапазонды роботпен жұмыс істейді. Модельдің ең арзан нұсқасына бір литрлік турбоүштік (91 ат күші) пен алты сатылы механика орнатылады. Дизельді немесе толық электрлі ASX болмайды.
Аталған түрленімдердің бәрі Еуроодақ нарығына арналған, онда жаңа Mitsubishi ASX келер жылы көктемде сатыла бастайды. Машина Испаниядағы Renault зауытында Captur-мен бірге құрастырылады. Қазақстанда 2 литрлік бензинді моторы бар 2021 жылғы жаңа ASX 16.5 млн теңге тұрады.
ASX-тің алдыңғы бөлігі адам танымастай өзгерді
ТМД елдеріне жаңа ASX келе ме, жоқ па әлі белгісіз. Оның Ресей-Украина қақтығысына қатысы жоқ, өйткені Mitsubishi екі жылдан бері Ресей және Қазақстан автонарығын компанияның даму стратегиясына қосқан жоқ.
Комментариев: 0