Екі жаңа Porsche 911 Turbo-дан қымбат ескі Ford GT

SBX Cars онлайн-аукционында ерекше лот бойынша бәссауда аяқталды. 2006 жылы Канада нарығы үшін жасалған Ford GT-дің бірінші буыны саудаға шықты. Мұндай көліктің 277 данасы жарық көрген. Автомобильдің 450 мың доллар (АҚШ-та Porsche 911 Turbo-ның бастапқы бағасы 197 мың доллар) тұруына басты себеп — жағдайы. Суперкар небәрі 24 шақырым жүрген.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Бұл экземплярдың шанақ әрлеуі де қызықтырады. Ford GT негізі 2005 және 2006 жылдары шыққан, ал өндірісі аяқталатын кезде Tungsten Grey реңкіне боялған небәрі 541 модель (жалпы тираждың шамамен төрттен бірі) жасалған.

1 / 10

• 
• 
• 
• 
• 
• 
• 
• 
• 
• 

1 / 10

Суперкардың канадалық нұсқасы жергілікті қауіпсіздік талаптарына байланысты өзгерген артқы бамперімен, қарапайым аудиожүйесімен ерекшеленді. Осы машинаны сатып алғандар шанақтағы ұзын жолақ, жеңіл BBS дискілері және қызыл тежеуіш суппорттары сияқты қосымша опцияға тапсырыс беріпті. Ford GT 550 ат күші бар 5.4 литрлік компрессорлы V8 моторымен, механикалық қораппен және артқы жетек жүйесімен жабдықталған.

Иесі көлікті неге жүргізбегені белгісіз. Екінші иесі оны температураны басқаруға болатын бөлмеде сақтаған. Купенің зауыттық орындық қаптамасы мен терезедегі жапсырмалары әлі күнге дейін тұр.