«Азаматтарға арналған үкіметтің» мұндай қадамға баруына нөмір дайын деген хабарлама келсе де, дубликатын айлап ала алмай жүрген тұрғындардың шағымы себеп болды. Заң бойынша нөмір дубликаты Алматы мен Астанада бес жұмыс күні ішінде, ал облыстарда 15 күнде жасалуы тиіс.
Осындай жағдай бұрын да болған. Ол кезде аталған мекеме өкілдері мәселенің ҚР ІІМ-не бағынатын «Ақпараттық-өндірістік орталық» РМК-ның нөмір дубликаттарын уақытылы әзірлеуіне қатысты туындайтынын айтып еді. Еске сала кетейік, бұл компанияның жүргізуші куәлігі мен техникалық құжат шығару, мемлекеттік нөмірлерді дайындау ісімен айналысқанына бір жыл болды. Содан бері тапсырысқа нөмір жасау ісінде кідіріс көп, қызметтің тоқтап қалғанын ескерсек, компания жұмысындағы кемшілік әлі жойылмаған сияқты.
Комментариев: 0