Америкалық Ричмонд университетінің зертханасында егеуқұйрықтарға пластик құты мен ойыншық машинаның бөлшектерінен жасалған электрлі көлікті жүргізуді үйрету тәжірибесі өткізілуде. Құйрықты жануар тізгіндеген көлік үш иінтіректің көмегімен басқарылады. Олардың бірі алға қарай қозғалуға, екіншісі мен үшіншісі оңға және солға бұрылуға мүмкіндік береді.
Тәжірибеге қатысып жатқан кеміргіштер оқу курсын толық аяқтады. Алдымен олар көлікті іске қосуды, содан кейін ол қажетті бағытта қозғалатындай етіп жүргізуді үйренді. Қозғалыстың соңғы нүктесі тамақ салынған ыдыс болды. Әлдеқайда ақылды жануарлар тік жүріп қана қоймай, тіпті маневр жасап, ептілік танытқан.
Егер үйретуді жалғастырар болса кеміргіштер бір-бірімен жарысып, жол ережесін де сақтай алуы ғажап емес. Бұл дағдының кәріз өркениетінің дамуына қалай әсер ететінін елестетудің өзі қорқынышты.
Комментариев: 0