ЕЭО-дағы автокөлік өндірушілер алдағы бірнеше жылда Еуро-6 стандартына сай келетін машина шығаруға міндеттеледі. Жауапты министрлік құжат жобасын әзірлей бастағанын «Газета.Ru» хабарлады. Жаңарған талаптар «Дөңгелекті көлік құралдарының қауіпсіздігі туралы» техникалық регламентке жазылады.
Құжатқа Еуро-6 стандартына өтуден бөлек электромобиль мен сутекті көліктер және оларға қойылатын талап та енеді. Ереже нақты қашан күшіне енетіні белгісіз.
Сарапшылардың пікірінше алдағы бір-екі жылда Еуро-6 стандартына өтеміз деп күтудің қажеті жоқ, ең ерте дегенде бұл 2025 жылы жүзеге асуы мүмкін. Түзету жобасын жасау үшін шенділер біраз бас қатырады, автоөндірушілерге де дайындалуға біршама уақыт керек.
Қазір ЕЭО аумағындағы автоөндірушілер Еуро-5 экологиялық класына сай келетін машина шығарады, бірақ Ресей билігі санкция салдарынан көктемде Еуро-О класты техника жасауға рұқсат берді.
Комментариев: 0