ЕЭО елдерінде кедендік салық бұрын да нөлденген болатын. Мұндай шара 2016 жылдың 15 қыркүйегінен 2017 жылдың 31 желтоқсанына дейін жалғасқан еді. Ал 2021 жылдың соңына дейін күшінде болатын жаңа мөлшерлеме заңды және жеке тұлғалар шетелден электромобиль импорттағанда қолданылады.
ЕЭК статистика депараментінің деректеріне сүйенсек, 2019 жылдың қаңтар-қазан айлары аралығында ЕЭО елдеріне жалпы сомасы 14.86 млн долларды құрайтын 292 электромобиль кіргізілген. Армения импортының үлесі 0.7 %, Беларусь елінікі — 30.8 %, Қазақстанның үлесі — 7.2 %, Ресейдікі — 61.3 %. Электрлі көліктер негізінен АҚШ, Қытай, Австрия және Германиядан жеткізіледі.
Комментариев: 0