Еуропада жарыққа шыққан үшінші буын Logan-ның суреттері Федералды өнеркәсіптік меншік институтының базасында жарияланды. Компания автокөлікті биыл таныстырады. Бұл модель еуропалықтарға бұрынғыдай Dacia брендімен ұсынылады, ал Ресейде құрастырыла бастаған соң Қазақстанға Renault маркасымен жеткізіледі.
Dacia Logan мен Renault Logan CMF-B модульді платформасында жасалған. Ол CMF шассиінің жеңілдетілген нұсқасы. Қос көліктің клиренсінде ғана емес, моторында да айырмашылық бар.
Қарт құрлықта «Логан» 1.0 литрлік турбомотормен жабдықталса, ЕЭО аумағында машинаға 82, 102 және 113 ат күшін беретін 1.6 литрлік атмосфералы қозғалтқыштар қойылады. Олар бес сатылы механикамен, төрт диапазонды автоматпен немесе вариатормен жұмыс істейді. Logan мен Sandero 2022 жылдан бастап Тольяттидегі АВТОВАЗ зауытында шығарылады.
Комментариев: 0